福氣

科林有朋友仔問做人為乜，我這樣說
*****************************

我同事有mild depression，佢話每朝起身都唔知點解好驚，我先發現每朝起身可以好蒙蒙鬆鬆咁坐係馬桶上游雲係一種福氣。

做瑜珈當然見到好多高手，但另一邊亦見到有d人連一d我覺得輕而易舉既彎腰壓腿動作都有困難，我發現自己有相對地柔軟既筋骨係一 種福氣。

每朝早發蛋腳咁番工，迫地鐵，格開d人，我發現我生出黎四肢健全，會行會走，仲有份工做係一種福氣。

供樓供得辛苦，個個月加息，我發現我有能力買到樓，可以有自己個竇，鍾意點整就點整，唔洗成日同業主周旋係一種福氣。

每個人都有自己既福氣，在乎你有無發現，有無珍惜。