你做過最烏龍o既事

某月某日, 科林起了這條討論題目....
尊誠輯錄一些精彩故事, 讓大家再次重溫 :)
-----------------------------------------------------

Pig Pig: 著住條新裙仲吊住個牌出街, 仲要到去洗手間先發現
去美心快餐一買完飛就唔見左 (到宜家都唔知點發生!)

Happier: 份document明明係要拎去 fax,拎左去碎紙機碎!

Manner: 返轉件T恤著o左落街 ~
返屋企一路掛住諗野一路除襪, 行o左入廁所丟o左隻襪落馬桶 ~

DiDi: 試過去倒垃圾, 一路扲住個垃圾桶一路發緊夢, 出左門口冇去到垃圾房, 仲竟然去左搭電梯直落到樓下出埋大堂去等小巴, 途人投以奇異眼光望著我, 我先發覺我仍然扲住個垃圾桶 ! 我都唔知點解, 可能撞邪, 我~~~~彩~

E&T: 我試過牙膏當左洗手soap用

Siumai: 叫左老細做老豆

KCCY: 細路仔時候幫呀爸買米酒, 我呀媽成日都話佢D酒好似食白粉日日飲, 結果我到士多時同個老闆講，我想買... 白粉

E&T: 有一次探訪一位會友, 係婆婆來的, 去到佢屋企, 見到面有almond, 就食食食, 又同個婆婆傾得好開心, 而個婆婆又口痕痕, 於是就loh左盒almond古古力黎食, 但個牧師見佢lur 返d almond出來放那disc上, 婆婆仲同佢講, 佢因為冇牙所以只可以"梅" 古古力, d almond就食唔到啦........

Barry: 以前在新蒲崗返工...搭地鐵在太子轉車時竟然有位坐。坐下來後發覺對面有個男人一直望著我，我無理佢 一直到了鑽石山站下車時企起身..自然地望了自己的腳。OMG (有無用錯 ).. 我著了鴛鴦鞋. 再望一望對面男人....他媽的....佢竟然笑了出來... 係太子站又唔同我講...等我要再返屋企

New User: 試過急於落街買野,一支箭咁跑樓梯衝o左落樓,跑到地下先發現自己竟然冇著褲!然後又跑番上樓著褲,真係好瘀

bird: 我試過著晒西裝出門口, 等緊lift o個陣突然發自己仲係著緊對拖鞋

fay.: 心急...將面衫放左入垃圾桶..同樣, 將垃圾放左入洗衣機

The One: 我試過同一班同事去食上海野，要搭檯，後來其中一個同事挾錯左人地碟餸，人地望住佢佢仲唔知發生咩事，仲繼續挾！

bird: 仲有試過o係office同女友講電話, 講完之後繼續做野, 想叫我後面一個叫Henry o既同事, 點知口快快叫左 "Honey"......

Leaves: 行街時, 人逼, 試過差 d 拖左隔離男仔隻手

Piano: 最初出黎做secretary 時, 有d 文件要老闆再簽過, 咁我咪貼張紙仔上份文件度放入老闆房, 點知隔左一陣, 我老闆叫我入佢office, 一入到去佢就問我..."我好想知你而家係咩意思..."........ 原來我張紙上面寫左 "Please resign !"

Piano: 有次我同d 同事一齊搭小巴去食潮州粉, 由於趕時間既關係, 我就叫大家坐小巴既時間好唸定一陣叫咩野食, 冇耐... 應該下個街口就要叫有落既時候, 不嬲負責叫開有落既果位男同事突然好大聲咁叫左一聲.......... "紫菜四寶河呀唔該"....... 當堂成架小巴d人都望住佢, 我地就成班同事笑到停唔倒口..... , 個男同事就即刻打我, 話一日最衰係我, 做乜要人唸定食乜先呢, 攪到佢亂晒大龍......

Ball: 我細個時試過有一次大腿痕,正當自己手執一枝原子筆,咪順手用來”owl"痕，owl得正暢快之際，低頭一看，成腳都比原子筆劃到花晒，原來枝筆未閂蓋
------------------------------------

個人心水係亞琴o既 please resign... 實在係太經典 :D