自己出本書!

由網友 Clickontheroad 提供:

自從出版了"on the road在途上"這本書後，有些OS朋友問起我一些関於自資出版的事項。

其實隨著CTP技術的普及(電腦直出印刷，省了昂貴的打稿費)，以及阿麥、kubrick等有個色的書店普及化，自己出本彩色書也並非遙不可及的事。加上網誌風行，大家密密寫越寫越好，不少可能都有個出書夢。

雖然我並非專家，又只不過出了一本書咁大把。但既然大家有與趣，我就抱箸分享的心情，在這裡簡單和大家說明一下:)

(出版專業人仕，請容在下班門弄斧了...)


創作篇

擬定目標 - 首先出版這本書的目的是為什麽?
為理想定要回本，一定要諗清楚。
兩者未必衝突，但總要set個priority
因為上述决定絕對會影嚮其後所有的决定


出版篇

I.出版方式:

其實出版有好多方法，例如

1.揾市場上的出版社出 - 即你只是作者，不必花分文出書。通常出版商會分版稅給你，又或一次過付你一筆錢。不過就賣斷版權，批書點設計點賣法你無得話事。

好處是無須出錢，不過就賣仔莫摸頭。
難處是點sell出版社幫你出?
如果你無名氣，點解佢要幫你出? Selling point係乜?

(不過並非一定無可能，有本「浪蕩澳洲365天」係由一個大學生寫, 甚至其實之前都有出版商表示對"on the road在途上"有興趣)


2. 自資出版，但向ADC申請資助

要寫份計劃書，然後等ADC藝發局審批
好處是無須出錢，不過就要填form等人批同寫report。


3. 自資出版

方法一: 靠坊間的一條龍服務公司
近年坊間有不少稱可為作者提供一條龍--設計、出版同發行的服務公司。作者只須出錢出字，公司便負責跟進。但良莠不齊，之前有幾間公司收晒作者錢，又貨不對辨，仲有D執埋笠… (tvb也訪問過其中一個受害人，我忘了她的名字，只記得她是盲的)

好處是唔洗煩
唔好處係容易俾人呃，血本無歸兼白費心血…


方法二; 靠自己
自己出晒錢，自己揾設計師自己揾發行一脚踢。
好處是自主度大，批書點設計點賣法你話事
唔好處咪就係自己要出晒錢，同埋要勞心勞力跟好多嘢…


II. 排版
如果出版社幫你出，基本上一切你都不用費心。
若選擇自資方法二(即我選擇的方法) 呢?就要勞心勞力

1. lo tech DIY
其實近年好多人鍾意自己DIY書，大家可能喺kubrick見過不少，幾得意架。
有些作者自已print內文、釘裝、黏相上去，感覺有些似同學互送的紀念冊…
好處是homemade feel 重，自由度極大，自己鍾意點整都得
唔好處喺手作仔難以大量製作，可能「唔似」一本書，可能予人難登大堂之感…

2. 找專業設計師
想做得本書好好睇睇，當要從設計著手，第一步當然要揾個好的設計師。
最好當然是自己就是設計師，否則就是有熟朋友幫手，一來知道信唔信得過，二來style夾唔夾。
設計費和剪頭髮一樣是海鮮價。逐頁計條數可以好得人驚，建議以”package price” 議定較好。排小說會比排圖文冊便宜。

Web designer又不一定懂排書，因為要懂預留出血位、印落紙的效果、紙的特質等專業印刷知識。

(夜喇，寫住咁多先，如大家有興趣– 下一次可以續談發行)